Первый последний звонок прозвучал для семнадцати выпускников СШ №2
Першы апошні званок прагучаў для сямнаццаці выпускнікоў СШ №2.
Памылкі няма: школа з багатай гісторыяй пасля “разводу” з гімназіяй два гады не мела выпускных класаў. І вось сёлета яна набыла паўнацэнны статус сярэдняй школы – са сваімі выпускнікамі, апошнім званком, які залівіста звініць у руках першакласніцы, што горда сядзіць на плячы ў самага дужага і прыгожага выпускніка…
А ўвогуле 30 мая апошні школьны званок прагучаў для 194 выпускнікоў Астравеччыны, абвясціўшы, што яны пераходзяць у дарослае жыццё з яго клопатамі, праблемамі, поспехамі і няўдачамі.
Хай жа шчасціць у жыцці нашым птушанятам, што гэтым летам становяцца на крыло і выпраўляюцца ў блізкі ці далёкі “вырай”! І няхай не забываюць яны роднае гняздоўе – сваю маленькую радзіму.