Совет руководителей посетил новую больницу
10:16 / 19.11.2019
Выяздное пасяджэнне прайшло на базе новай бальніцы, першую чаргу будаўніцтва якой плануецца ўвесці ў эксплуатацыю да канца бягучага года.
Галоўны ўрач цэнтральнай раённай бальніцы Уладзімір Мажэйка правёў для кіраўнікоў арганізацый, устаноў і прадпрыемстваў раёна экскурсію па новай установе, расказаў пра магчымасці сучаснага абсталявання, карыстацца якім змогуць астраўчане і жыхары бліжэйшых раёнаў Гродзенскай, Мінскай і Віцебскай абласцей.
– Будаўніцтва новай бальніцы пачалося ў 2015 годзе. За гэты час зроблена многае, тым не менш работы яшчэ хапае. Трэба разумець, што наша бальніца стане міжраённым і міжабласным медыцынскім цэнтрам, аснашчаным сучасным абсталяваннем, з якім будуць працаваць высокакваліфікаваныя ўрачы, – адзначыў Уладзімір Мажэйка.
Падчас пасяджэння таксама абмеркавалі надзённыя пытанні развіцця прадпрыемстваў раёна і звароты грамадзян на «Прамыя лініі», якія штотыдзень праходзяць у райвыканкаме.
