Летапіс школьнага жыцця з’явіўся ў Варнянскім НПК
Школа помніць
Пастаянную экспазіцыю фотаздымкаў “Школа ў лёсе кожнага” стварылі ў Варнянскім НПК.
Сотні вучняў атрымалі пуцёўку ў вялікае жыццё ў сценах Варнянскай школы. Дзясяткі педагогаў у розныя часы сеялі тут “разумнае, добрае, вечнае”. У многіх сямейных фотаальбомах захоўваюцца здымкі выпускных класаў, калектываў настаўнікаў. А вось у самой школе падобнага летапісу да гэтага часу не было.
Цяпер фотаздымкі выпускных класаў і настаўнікаў розных гадоў можа ўбачыць кожны наведвальнік установы. Такая памяць – жывая сувязь пакаленняў, асабліва актуальная сёлета, у Год гістарычнай памяці.
Экспазіцыя “Школа ў лёсе кожнага” размясцілася на калідоры трэцяга паверха. Першы фотаздымак выпускнікоў датуецца 1967 годам, настаўнікаў – 1969-м. Пакуль не ўсе гады запоўнены, але калектыў спадзяецца, што вучні і іх бацькі дапамогуць запоўніць “белыя плямы”.
Ніна АЛЯКСЕЕВА
Подписывайтесь на телеграм-канал «Островецкая правда» по короткой ссылке https://t.me/ostrovetsby.
Телеграм-канал «Островецкая правда» – всё самое интересное из жизни Островца и Островецкого района.