Узнагароды знайшлі валанцёраў
У райкаме ГА БРСМ адзначылі лепшыя атрады добраахвотнікаў.
На Астравеччыне нямала школьных валанцёрскіх атрадаў, якія ўдзельнічаюць у дабрачыннасці, праводзяць экалагічныя акцыі па навядзенні парадку, дапамагаюць адзінокім пажылым, прыбіраюць магілы ветэранаў і займаюцца іншай карыснай дзейнасцю.
Традыцыйна раённая маладзёжная арганізацыя праводзіць конкурс “Валанцёр года – Добрае сэрца”. Сёлета па яго выніках адзначана 2 атрады: лепшымі па меркаванні журы сталі добраахвотнікі СШ №1, а па выніках галасавання ў сацыяльнай сетцы “ВКантакце” – актывісты СШ №3.
Пераможцы атрымаюць падарункі ад раённай маладзёжнай арганізацыі. Ролікі-прэзентацыі можна паглядзець у суполцы “Моладзь Астравеччыны” ў “ВКантакце”.