Ці вераць астраўчане ў сілу вадохрышчанскай вады?

08:09 / 18.01.2022

458

Заўтра праваслаўныя вернікі будуць адзначаць Вадохрышча. Так склалася гістарычна, што ў гэтыя дні ваду асвячаюць двойчы: напярэдадні свята ў храме, а ў асноўны дзень – ля крыніц, рэк і азёр. Лічыцца, што вада становіцца гаючай, аздараўляючай і не губляе гэтых уласцівасцей на працягу года.
Наш карэспандэнт пацікавіўся ў жыхароў раёна, ці вераць яны ў сілу вадохрышчанскай вады.

Людміла Шылюк, прадавец:

Люда Шылюк.jpg

– Штогод многія ў гэты дзень спяшаюцца ў царкву, каб набраць вадохрышчанскай вады. Наша сям’я не выключэнне. Абавязкова асвячаем ёй дом, дзялюся цудадзейнай вадкасцю з суседзямі-католікамі. Па традыцыі ў гэтыя дні асабліва смелыя акунаюцца ў спецыяльна зробленай да свята купелі – іардані. Па словах знаёмай, ачуванні неперадавальныя! Я б, напэўна, не рызыкнула. Але самае галоўнае, напэўна, – вера і малітва, а таксама чалавечнасць.

Ірына Тарасевіч, сястра-гаспадыня (без фота):
– Веру ў Бога і ў цудадзейную сілу вадохрышчанскай вады. Штогод спяшаюся ў храм ці вечарам 18 лютага, ці на само свята. Вадой асвячаю жытло, даю дзецям і сама стараюся піць яе штодзень па глыточку. Ці мае яна гаючую сілу? Мне здаецца, усё залежыць ад адносін чалавека да святой вады: калі ён з глыбокай пашанай яе захоўвае, то Божая ласка, атрыманая пры асвячэнні, пойдзе на карысць – духоўную і цялесную. А каб Гасподзь захоўваў ад дрэннага, варта жыць па Божым запаведзям.

Фаіна Юкша, памочнік выхавацеля:

Фаіна Юкша.jpg

– Я не толькі веру, а ведаю, што вадохрышчанская вада аздараўляе. Сама ні разу не акуналася на свята, а вось дачка з унукамі робяць гэта штогод. Летась Святлана прыхварэла: была з невялікай тэмпературай, але вырашыла не здраджваць традыцыі. Усё як рукой зняло: на наступны дзень была цалкам здаровая. А дзеткі пасля вадохрышчанскага акунання амаль не хварэлі ўвесь год. Мы з мужам жывём у Варнянах і святую ваду абавязкова набіраем у мясцовым храме.

Аляксандр Тарасаў, вадзіцель (без фота):
– Веру, што асвечаная на Вадохрышча вада – асаблівая і ўнікальная. Маё дзяцінства прыпала на час, калі забаранялася хадзіць у храм, – да веры я прыйшоў у свядомым узросце, у многім дзякуючы жонцы. У гэтыя святочныя дні абавязкова ідзём у храм, каб набраць святой вады. На Вадохрышча ніколі не акунаўся ў іардані, а вось у купелі – некалькі разоў – адчуваеш сябе пасля гэтага вельмі добра фізічна і духоўна.

Подписывайтесь на телеграм-канал «Островецкая правда» по короткой ссылке https://t.me/ostrovetsby.

Телеграм-канал «Островецкая правда» – всё самое интересное из жизни Островца и Островецкого района.

Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.

Телеграм-канал «Гродно Медиа Group» – это ежедневные новости районов Гродненской области и города Гродно.