Пра восеньскія клопаты аграрыяў расказвае загадчык сектара раслінаводства Міхаіл Шлыковіч

15:32 / 26.08.2021
Адшумела масавае жніво. Хоць сёлета аграрыі сабралі амаль на 15 тысяч тон збожжа менш, сельгасработ на палях не паменшала. Нездарма кажуць: восень – работ восем. 

Ход і фронт сельскагаспадарчых работ у раёне мы папрасілі пракаменціраваць загадчыка сектара раслінаводства ўпраўлення сельскай гаспадаркі і харчавання Міхаіла Шлыковіча: 

– Першымі ў раёне жніўную кампанію завяршылі  КСУП «Гудагай» і «Гервяты» – каля 10 камбайнерскіх экіпажаў гэтых гаспадарак дапамагалі дажынаць хлебаробам з «Міхалішак» і «Варнян». Па папярэдніх звестках, без уліку кукурузы, грачыхі і проса валавы намалот збожжавых склаў каля 44 тысяч тон у бункернай вазе, што амаль на 30% менш, чым летась. Гарачыня ўдарыла па пасевах якраз у перыяд наліву зерня – з-за недахопу вільгаці яно атрымалася шчуплым і легкаважкім.

2.jpg

Дзяржзаказ гаспадаркі раёна выканалі на 80% (па стане на 24 жніўня. – Заўв. А.Г.). Цалкам з заданнем па пастаўцы зерня на перапрацоўчыя прадпрыемствы справіўся КСУП «Гудагай», па некаторых пазіцыях нават перавыканаў план, напрыклад, па півавараным ячмені, пшаніцы. 

Збожжа сёлета адгружаем на агракамбінаты «Скідзельскі», «Гомельхлебпрадукт», Смаргонскі і Мінскі камбінаты хлебапрадуктаў, Смаргонскі хлебазавод і іншыя. Вядома, не абыходзіцца без праблем. Так, РУП «Астравецкі саўгас «Падольскі» здаў найменш пшаніцы: 67% ад плана пры сярэднераённым паказчыку 96%. КСУП «Варняны» яшчэ не выканала заданне па здачы жыта – падводзіць якасць зерня. КСУП «Міхалішкі» не здало яшчэ ні адной тоны піваваранага ячменю. Але, як бы ні было, ураджай саб­раны і засыпаны ў засекі. Самы час думаць пра будучы, тым больш што на падыходзе аптымальныя тэрміны сяўбы азімых, плошча пад якімі сёлета павялічыцца амаль на 500 гектараў і складзе 10 840. Найбольш збожжа сёлета пасеяць у КСУП «Гервяты» – 3 200. 

Гаспадаркі актыўна прыкрываюць у глебу насенне крыжакветкавых, якія зоймуць крыху больш за 3 500 гектараў. На 24 жніўня план выкананы на 66%. 
У апошні час тэрміны сяўбы азімых крыху ссунуліся – варта падстройвацца пад надвор’е. Масава сеяць збожжавыя, пад якія сёлета адвядзём больш за 10 тысяч гектараў, думаю, пачнём у пачатку верасня.

Частку насення крыжакветкавых гаспадаркі раёна бралі праз Шчучынскі занальны інстытут, Жодзінскі інстытут раслінаводства і земляробства. Моцныя сельгаспрадпрыемствы – КСУП «Гудагай» і Гервяты» і часткова РУП «Астравецкі саўгас «Падольскі» набывалі яго ў прыватных фірмах. Нам выдзелена 124 тоны эліты – 24 тоны трыцікале, 85 тон пшаніцы і 15 тон жыта – пры патрэбе 165 тон. Праблематычна сёлета складваецца сітуацыя з насенным матэрыялам трыцікале – пры чым гэта характэрна не толькі для Гродзенскай вобласці, але і ў цэлым для Беларусі. Празмерныя дажджы справакавалі прарастанне зерня ў коласе – адсюль і праблема з насеннем. 

Але, як кажуць, не сяўбой адзінай. Абмалот грачыхі, проса, уборка кукурузы, цукровых буракоў і бульбы… І не паспрачаешся з народнай мудрасцю, што восенню работ восем, а то і больш. 

1.jpg


Подписывайтесь на телеграм-канал «Островецкая правда» по короткой ссылке https://t.me/ostrovetsby.

Телеграм-канал  «Островецкая правда»  – всё самое интересное из жизни Островца и Островецкого района.

Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.

Телеграм-канал «Гродно Медиа Group» – это ежедневные новости районов Гродненской области и города Гродно.

Текст:
Фото: Алёна Ганулич