Кім сталі колішнія залатыя медалісты
12:12 / 11.06.2021
І стала цікава: а што ж было раней?
Гартаючы архіўную падшыўку за 2000 год, знайшла інфармацыю аб выпускніках. У тым чэрвені са школамі развіталася 284 вучні, веды і праца 39 з іх былі ацэнены залатымі медалямі, 29 атрымалі сярэбраныя.
У газеце за 1 ліпеня надрукаваны здымак выпускнікоў СШ №1 і інфармацыя пра іх. Паведамляецца, што сямёра вучняў гэтай школы – Наталля Ступенька, Алена Грамбоўская, Ірына Трусевіч, Таццяна Шлыковіч, Марына Шадура, Людміла Палтаран і Надзея Шаблінская – закончылі школу з залатымі медалямі.
Стала цікава, як склаўся лёс медалістаў. Як яны рэалізавалі свой патэнцыял? Паспрабавалі высветліць.
Многія з выпускнікоў у якасці будучай прафесіі выбралі замежную мову – але не для ўсіх яна стала справай жыцця. «Замежны» напрамак выбралі Ірына Трусевіч, Алена Грамбоўская, Марына Шадура, Наташа Ступенько. Марына паехала ўслед за мужам за мяжу. У Мінску засталася Алена, там жа пасля заканчэння вну – Людміла Палтаран. Таццяна Шлыковіч, закончыўшы факультэт журналістыкі Белдзяржуніверсітэта, стала працаваць на Гродзенскім абласным тэлебачанні. Наталля Ступенька закончыла Гродзенскі ўніверсітэт, у апошні час была спецыялістам у Астравецкім раённым Савеце дэпутатаў, зараз знаходзіцца ў адпачынку па доглядзе дзіцяці. Надзея Шаблінская пасля заканчэння педагагічнага ўніверсітэта імя Максіма Танка непрацяглы час выкладала ў школе, затым перайшла ў мытню – там і працуе ўжо шмат гадоў.
У тым жа нумары газеты змешчаны фотаздымак астравецкіх выпускнікоў, якіх дэлегіравалі на агульнарэспубліканскі выпускны баль у Мінск. Надзея Шаблінская была ўдастоена такога гонару як пераможца рэспубліканскай алімпіяды па беларускай мове, а яе аднакласнік Аляксандр Шоўкун – як пераможца рэспубліканскага тэлефестывалю «Усе мы родам з дзяцінства». Аляксандр, дарэчы, не стаў развіваць артыстычны талент – знайшоўся ў яго і другі: ён стаў класным урачом, быў прызнаны лепшым стаматолагам краіны, цяпер жыве і працуе ў Мінску.
А падзялілася фотаздымкам сярэбраная медалістка гэтага «зорнага» класа Вольга Гноза – Вольга Хацяновіч, намеснік галоўнага рэдактара газеты «Астравецкая праўда», пераможца абласнога спаборніцтва журналістаў за 2016 год.
Подписывайтесь на телеграм-канал «Островецкая правда» по короткой ссылке https://t.me/ostrovetsby.
Телеграм-канал «Островецкая правда» – всё самое интересное из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.