«Цуды прыроды» шукалі чытачы Альхоўскай бібліятэкі
14:45 / 07.06.2021
Чытачы Альхоўскай бібліятэкі вельмі любяць прыроду.
У мінулую нядзелю ўдзельнікі мясцовага аматарскага аб’яднання «Жывіца» разам з бібліятэкарам Юліяй Заруба адправіліся на экскурсію «Цуды прыроды».
На свежым паветры вандроўнікі чыталі экалагічныя казкі, адказвалі на пытанні віктарыны і спявалі. Пасля бібліятэкар паказала выхаванцам розныя віды раслін і кветак. Дзеці пазнаёміліся з рэдкімі насякомымі, а некаторых нават змаглі патрымаць у руках.
Вольга ЗАЯНЧКОЎСКАЯ, раённая бібліятэка.