Кожны знайшоў забаву па душы
Традыцыйна Дзень Перамогі ў Астраўцы стаў усеагульным святам: у лесапаркавай зоне кожны знайшоў сабе занятак і забаву па душы.
Работнікі бібліятэкі запрашалі ў палявую чытальную залу, дзе можна было паглядзець копіі газет ваеннага часу.
Тыя, хто цэніць работы народных майстроў, “завісалі” каля іх палаткі, дзе можна было не толькі палюбавацца вырабамі з дрэва, скуры, саломкі, роспісам па шкле, але і прыдбаць адзіны ў сваёй непаўторнасці сувенір.
Аматары вострых адчуванняў – найперш дзеці – імкнуліся да вяровачнага гарадка, дзе пад падбадзёрваючыя воклічы гледачоў праходзілі паласу перашкод на вышыні.
Задаволілі апетыт тыя, для каго гулянне – гэта перш за ўсё смачны шашлык, салодкая вата ці адкрыццё сезона марожанага.
А найбольш радаваліся святу дзеці: горкі, батуты, “тарзанкі”, шарыкі, прысмакі, цацкі, забавы – усё было для іх.
І гэта – правільна, бо шмат гадоў назад прадзеды не шкадавалі жыцця, каб для нашчадкаў выбухі асацыіраваліся выключна са святочным салютам, а танкі былі толькі цікавай цацкай.
Подписывайтесь на телеграм-канал «Островецкая правда» по короткой ссылке https://t.me/ostrovetsby.
Телеграм-канал «Островецкая правда» – всё самое интересное из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.