Ход сяўбы каменціруе загадчык сектара раслінаводства райсельгасхарчу Міхаіл Шлыковіч
12:12 / 07.05.2021
Яравы клін складае крыху больш за 17 тысяч гектараў. Некалькі тыдняў назад скончылі сяўбу ранніх збожжавых (план перавыканалі на 50 гектараў) – гэтыя культуры занялі плошчу 8 235 гектараў. Завяршылася сяўба цукровых буракоў (пасеяна 1 620 гектараў). Адметнасць пасяўной кампаніі ў тым, што яна праходзіць у няпростых кліматычных умовах, так, напрыклад, з-за прымаразкаў і снегу ў красавіку дзень-два трактары не выходзілі ў поле.
Што тычыцца загінулых азімых, то 1 600 гектараў адсеялі збожжавыя, крыху пазней у некаторых гаспадарках плануюць на гэтых участках проса.
Працягваецца сяўба кукурузы, пад яе адведзена крыху больш за 6 тысяч гектараў, у тым ліку 803 – на зерне. Найбольшы спрыт на сяўбе каралевы палёў дэманструюць КСУП «Гудагай» і «Гервяты», дзе ў сярэднім за дзень насенне гэтай культуры прыгортваецца на 75 і 80 гектарах пры сярэднераённым паказчыку ў 64. Па стане на 5 мая з сяўбой кукурузы аграрыі раёна справіліся на 47%: пасеялі 2 846 гектараў.
Вырошчваць бульбу, як і ў мінулыя гады, будуць толькі дзве гаспадаркі – КСУП «Гудагай» (90 гектараў) і «Гервяты» (40 гектараў). Пасаджана 108 гектараў другога хлеба, што складае 83% ад плана.
Рапс ужо двойчы падкармілі ўсе гаспадаркі. Завяршылася другая падкормка азімых збожжавых у трох гаспадарках: КСУП «Гудагай», «Міхалішкі», «РУП «Астравецкі саўгас «Падольскі».
Подписывайтесь на телеграм-канал «Островецкая правда» по короткой ссылке https://t.me/ostrovetsby.
Телеграм-канал «Островецкая правда» – всё самое интересное из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.
