Школьнікі зацікавіліся Чарнобылем
На працягу трэцяй чвэрці вучні 9 “А” класа Варнянскага НПК пад кіраўніцтвам настаўніцы Наталлі Чапукойць займаліся пошукава-даследчыцкай дзейнасцю ў рамках рэалізацыі рэспубліканскага праекта “Чарнобыль праз прызму дзесяцігоддзяў”.
Школьнікаў зацікавіла тэма Чарнобыля. Вялікае ўражанне яны атрымалі падчас прагляду фільма “Матылькі”.
Каб даведацца з першых вуснаў пра ліквідацыю наступстваў аварыі на Чарнобыльскай АЭС, дзеці запрасілі на сустрэчу яе ўдзельнікаў, землякоў Уладзіміра Янкойця, Тадэвуша Янчэўскага і Віктара Смелякова. Мужчыны распавялі пра падзеі 35-гадовай даўніны.
Прадстаўнік МНС, намеснік начальніка атрада на аб’ектах АЭС Раман Рубін расказаў, чым адрозніваецца Беларуская АЭС ад Чарнобыльскай, якія меры бяспекі прадугледжаны на нашай станцыі і чаму аварыя, што здарылася ў Чарнобылі, у нас не можа адбыцца ў прынцыпе.
Падчас віктарыны найлепшыя веды па пытаннях радыебіялогіі і радыеэкалогіі прадэманстравалі Валерыя Дубіцкая і Мацвей Кавалеўскі.
А карысць ад удзелу ў праекце атрымалі ўсе яго ўдзельнікі, бо нездарма кажуць, што інфармацыя – гэта галоўная зброя ў барацьбе са страхам.
Подписывайтесь на телеграм-канал «Островецкая правда» по короткой ссылке https://t.me/ostrovetsby.
Телеграм-канал «Островецкая правда» – всё самое интересное из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.