Наши читатели. Семья Стефанович из Гудогая выписывает «районку» сколько живёт на Островетчине
09:56 / 23.12.2020
– Тата з мамай пазнаёміліся падчас адпрацоўкі ў вёсцы Цудзенішкі Ашмянскага раёна. Бацька працаваў галоўным энергетыкам у калгасе, а маці – настаўнікам, – расказвае дачка Сцефановічаў Вольга.
Маладыя людзі ажаніліся і вырашылі будаваць дом у Гудагаі – на радзіме Валянціна. У 1993 годзе сямейная пара, якая ўжо мела дзвюх дачушак, пераехала на Астравеччыну. Каб быць у курсе падзей раёна, Алена выпісала мясцовую газету.
Злева направа: Вольга, Алена, Валянцін, Святлана
– Заўсёды цікавілі артыкулы пра школу, і цяпер, хоць і на пенсіі, але не абмінаю увагай тое, што пішуць пра адукацыю, – дзеліцца Алена. – Па душы расповеды пра людзей, іх лёсы.
– З асаблівай увагай сачу за крытычнымі матэрыяламі, дзе ўздымаюцца пытанні, расказваецца пра іх вырашэнне, – далучаецца Валянцін. – Прачытаць пра падзеі, якія адбыліся, ці нехта некуды схадзіў альбо з’ездзіў, канешне, добра. Аднак існуе і іншы, вельмі важны, бок нашага жыцця – праблемны, і добра, калі гэтыя моманты заўважаюць.
– Першае, на што звяртаю ўвагу я, ці ёсць што пра ЦТДіМ – я там працую. Люблю, калі ў газеце пішуць пра нашу ўстанову, тады пераглядаю па некалькі разоў, – усміхаючыся гаворыць Вольга. – Вельмі падабаюцца аўтарскія ракурсы – нават калі журналіст выказвае палярнае майму меркаванне. На адным дыханні чытаю праект «Радзімка мая» – нешта ўбачыш знаёмае і даўно вядомае, а пра нешта і не чуў нават. На жаль, гэта рубрыка рэдкавата выходзіць. А яшчэ хацелася б бачыць больш разнастайных матэрыялаў турыстычнай накіраванасці – у нас столькі адмецінак, а многія пра іх не ведаюць. Гэта могуць быць не толькі помнікі архітэктуры, але і прыродныя аб’екты, флора і фаўна. Цудоўная рубрыка некалі была ў газеце, калі «накрывалі» стол да святаў – некаторыя рэцэпты брала сабе на заўважынку. У інтэрнэце, канешне, ёсць шмат чаго, але ж тут былі правераныя стравы – землякі дзяліліся тым, што самі гатавалі. Я свой рэцэпт кекса таксама дасылала.
– І яшчэ: люблю рэдакцыйныя конкурсы, асабліва звязаныя з фота. Неаднойчы мае здымкі друкавалі ў газеце, а адзін нават быў змешчаны на календары для падпісчыкаў. Было прыемна! – працягвае Вольга. – Дарэчы, хоць мая сястра Святлана і жыве ў Мінску, але, прыехаўшы да бацькоў, любіць «раёнку» пагартаць, пачытаць, што новага, пра каго пішуць.
Подписывайтесь на телеграм-канал «Островецкая правда» по короткой ссылке https://t.me/ostrovetsby.
Телеграм-канал «Островецкая правда» – всё самое интересное из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.