Маладыя вадзіцелі КСУП «Варняны» адказваюць на 5 пытанняў
10:01 / 06.12.2020
1. Як вы прыйшлі ў сельскую гаспадарку?
Эдуард:
– Я мясцовы, з Быстрыцы. Бацька усё жыццё адпрацаваў трактарыстам у калгасе. Старэйшыя браты таксама шмат гадоў аддалі сельскай гаспадарцы: Валерый – механізатарскай справе, працуе ў гаспадарцы і зараз, а Іван – агранаміі. Па спецыяльнасці я аграном: скончыў Навагрудскі аграрны дзяржаўны каледж. Ажаніўся на вясковай дзяўчыне – так і засталіся ў Быстрыцы.
Артур:
– Горад мяне не вабіць. Пакуль 2,5 гады працаваў на будоўлі атамнай электрастанцыі, жылі з жонкай у Астраўцы. Вераніка і я – вясковыя, таму вырашылі вярнуцца на малую радзіму. Тым больш, што жонка працавала ў СВК «Варняны» – я ўладкаваўся сюды вадзіцелем.
2. Калі б працавалі не вадзіцелем, то кім?
Эдуард:
– Магчыма, аграномам – па спецыяльнасці папрацаваў толькі паўгода да арміі.
Артур:
– Нават уявіць сябе нідзе не магу, акрамя, як за рулём. Да слова, шмат хто з мужчын нашага роду быў ці вадзіцелем, ці механізатарам у калгасе.
3. Ці залежыць ваша работа ад сезона? Якую пару года любіце найбольш і чаму?
Эдуард:
– У сельскай гаспадарцы работы хапае круглы год, хоць зімой, канешне, яе менш. Цяпер, напрыклад, возім арганіку. Люблю лета – і цёпла, і дзень доўгі.
Артур:
– Летам больш напружана, але цікавей працаваць. Некалькі гадоў назад нават перамог у жніўным спаборніцтве сярод маладых вадзіцеляў.
4. Уявіце, што вы адшукалі чароўную лямпу з джынам, які можа выканаць толькі адно жаданне. Пра што папросіце?
Эдуард:
– Папрасіў бы здароўя. Калі нічога не баліць – тады ўсё ў радасць.
Артур:
– І я, напэўна, таксама. Астатняе можна па-ціху нажыць і набыць.
5. Прадоўжыце, калі ласка, сказ: самае галоўнае ў жыцці – гэта...
Эдуард:
– Мая сям’я, дабрабыт родных і блізкіх.
Артур:
– Само жыццё і людзі ў ім: беражыце сваіх блізкіх.
Подписывайтесь на телеграм-канал «Островецкая правда» по короткой ссылке https://t.me/ostrovetsby.
Телеграм-канал «Островецкая правда» – всё самое интересное из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.
