Па выніках корманарыхтоўкі Віктар Садоўскі заняў 3-е месца сярод вадзіцеляў
09:29 / 05.12.2020
У сельскай гаспадарцы Віктар Іванавіч працуе вадзіцелем 40 гадоў: пачынаў у калгасе «Запаветы Ільіча».
Па словах мужчыны, ён з дзяцінства хацеў стаць шафёрам ці механізатарам – і дзіцячая мара хлопчыка з Загазі збылася.
– А хто з вясковых не любіў трактар? Такіх не было! – успамінае мужчына. – У Камарове адвучыўся на трактарыста і электрыка – і ў калгас пайшоў. Некалькі гадоў вазіў старшыню Івана Іванавіча Харкевіча.
Дарэчы, лёсавая сустрэча з будучай жонкай адбылася менавіта на рабоце.
– Валянціна працавала памочнікам брыгадзіра – глянулася мне, – працягвае Віктар Іванавіч. – Усё жыццё разам: выгадавалі дачку Ганну, дачакаліся унукаў. Жонка ў мяне гаспадыня, якіх яшчэ трэба пашукаць. Летам на жніве ці корманарыхтоўцы працуем ад цямна да цямна. Душа ў мяне спакойная: ведаю, што дома парадак, а жывёла накормлена – трымаем свіней і курэй, раней і карова была.
Штогод падчас жніва мужчына вазіў збожжа, а апошнія два гады – траву.
– У 2009-м, калі памяць не падводзіць, першым у раёне сярод вадзіцеляў перавёз тысячу тон збожжа, – расказвае мужчына. – Але ў лік пераможцаў раённага спаборнцітва так і не трапіў: там улічваюцца не толькі перавезеныя тоны, але і ўзрост аўтамабіля і іншыя паказчыкі. А я тады МАЗ толькі атрымаў. Затое сёлета пашанцавала!
Подписывайтесь на телеграм-канал «Островецкая правда» по короткой ссылке https://t.me/ostrovetsby.
Телеграм-канал «Островецкая правда» – всё самое интересное из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.