Калектывы аматарскай творчасці раёна выступілі на сцэне летняга амфітэатра ў Астраўцы
Прыхільнікі песеннай творчасці маглі разнастаіць свой нядзельны адпачынак, прыйшоўшы ў гарадскі лесапарк, -- для астраўчан і гасцей горада аматарскія калектывы раёна зладзілі канцэрт “Табе, Беларусь, спяваю песні!”.
Кожны з нас па рознаму прызнаецца ў любові да сваёй краіны: хтосьці ахоўвае прыроду, хтосьці зберагае народныя традыцыі, хтосьці праслаўляе яе на спартыўнай арэне, а аматарскія калектывы дораць землякам свой песенны талент – і, трэба заўважыць, запальваюць яны не горш за раскручаных зорак эстрады.
Цудоўнымі галасамі, яркімі касцюмамі і добра пастаўленымі нумарамі радавалі гледача народны хор ветэранаў працы (кіраўнік Данута Папеня), ансамбль польскай песні “Польскае рэха Астраўца” (кіраўнік Алена Такарчук) і ансамбль народнай песні “Кемяліна” (кіраўнік Сяргей Дзям’янчык).
Дарэчы, рэпертуар калектывы склалі для любога густу і ўзросту. Дзякуй, землякі, за цудоўны адпачынак і брава вашаму таленту!
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup
Телеграм-канал «Гродно Медиа Group» - это ежедневные новости районов Гродненской области и города Гродно.