Гісторыя сям’і Лянкевічаў – у біяграфіі раёна

08:43 / 15.01.2020

Гісторык, ветэран педагагічнай працы Віталь Лянкевіч, які некалькі скліканняў з’яўляўся старшынёй раённага Савета дэпутатаў, быў дэпутатам абласнога Савета дэпутатаў, з асаблівым хваляваннем трымае вялікую каштоўнасць – нумар раённай газеты «Сталінская праўда» за 10 ліпеня 1947 года. Там змешчана невялікая заметка М. Дубаневіча «У маладой камсамольскай арганізацыі», дзе расказваецца пра справы першых камсамольцаў Байканскага сельсавета і ўзгадваюцца імёны яго бацькі Івана Рафаілавіча Лянкевіча, сакратара арганізацыі, які ў той год уступіў у партыю, і маці, тады яшчэ камсамолкі-агітатара Лідзіі Міхайлаўны Ларыонавай. Бацькі сваімі справамі пачыналі пісаць пасляваенную біяграфію раёна – а ён, сын, прадоўжыў.

Так гісторыя адной сям’і стала часткай біяграфіі раёна.