Тыдзень пазітыву і добрых спраў прайшоў у яслях-садзе № 1

Мерапрыемствы Тыдня псіхалогіі, якія днямі прайшлі ў яслях-садзе № 1, аб’ядналі дарослых і дзяцей.

У яго першы дзень, які праходзіў пад дэвізам «Сустракаем дзень з добрым настроем», дашкольнікі атрымалі маленькія салодкія падарункі, а бацькі са скрынкі жаданняў выбралі пазітыўны накірунак на цэлы дзень.

У дзень сям’i дзеці і дарослыя працавалі над творчымі работамі, а потым прэзентавалі свае сямейныя традыцыi.

Мноства станоўчых эмоцый атрымалі дзеці падчас флэшмоба «Калейдаскоп», а дарослыя – дзякуючы ўдзелу ў трэнінгу: «Скажы пазітыву – да!»

Паўдзельнічалі бацькі і дзеці і ў акцыі «Добрае сэрца»: на працягу тыдня яны прыносілі ў садок канцылярскія тавары, цацкi, адзенне, а потым завезлі ўсе падарункі ў дзіцячы сацыяльны прытулак.

Алена МІЛІДОВІЧ, педагог-псіхолаг ясляў-сада № 1