У рэспубліцы праводзіцца прафілактычная супрацьпажарная акцыя “За бяспеку разам” – далучайцеся!
12:40 / 08.04.2019
У рэйдах па жыллёвым фондзе, інфармаванні насельніцтва, сустрэчах з працоўнымі калектывамі прымаюць удзел не толькі супрацоўнікі РАНС, РАУС, але і іншыя зацікаўленыя структуры – ЖКГ, бальніца, аддзел адукацыі і іншыя.
Паважаныя жыхары раёна! Запрашаем вас далучыцца да гэтай акцыі: паведамляйце пра кватэры і дамы, якія прадстаўляюцца для распіцця спіртных напояў; месцы, дзе збіраюцца асобы без пэўнага месца жыхарства, парушэнні дзіцячых правоў і іншых правапарушэннях па нумарах 101, 102 або 112.
УЛАСНІКАМ МАЁМАСЦІ
Калі вы хочаце абследаваць супрацьпажарны стан свайго дома або кватэры, звярніцеся ў раённы аддзел па надзвычайных сітуацыях – супрацоўнікі правераць ваша жыллё і, калі знойдуць недахопы, параяць, як іх выправіць.
Давайце будзем разам клапаціцца пра вашу бяспеку!
Аляксандр САЧАК,
інспектар групы прапаганды і ўзаемадзеяння з грамадскасцю РАНС.