Канікулы ў бібліятэцы – гэта цікава

14:44 / 02.04.2019
1059

Падчас вясенніх канікул, на якія прыпадае Тыдзень дзіцячай кнігі, бібліятэкі раёна прапанавалі школьнікам цікавыя сустрэчы.

Дзіцячая бібліятэка запрасіла сваіх чытачоў на экскурсію-знаёмства «Падарожжа ў Кнігаград», круіз-гульню «Восьмы цуд свету» і гульнёва-пазнавальную праграму «Тут ява з казкаю мяжуе».

фота 1.gif

фота 2.gif

фота 3.gif

На працягу ўсіх канікул у Альхоўскай бібліятэцы ішла гульня «Свет маіх захапленняў». Дзеля гэтага тут з’явіўся асобны дзіцячы куток з новымі маляўнічымі кніжкамі, мяккімі цацкамі, развіваючымі гульнямі і антыстрэсавымі размалёўкамі.

фота 4.jpg

фота 5.jpg

У літаратурны круіз «У краіне вясёлых свавольстваў і гарэзных задум» і на дзень вясёлых забаў «Мы гуляем і спяваем, разам з кнігай мы жывём!» запрасіла дзяцей Міхалішкаўская бібліятэка. 

фота 6.jpg

Пра першадрукароў і асветнікаў Беларусі даведаліся маленькія чытачы Страчанскай бібліятэкі. Таксама тут «адбыліся» чароўныя пераўвасабленні ў казачных літаратурных герояў і цуды, якія заўсёды сустракаюцца ў кніжным царстве. 

фота 7.jpg

Свята кніжкіных сяброў прайшло ў Варнянскай сельскай бібліятэцы, дзе школьнікі вандравалі па старонках любімых казак, праглядалі і абмяркоўвалі любімыя мультфільмы, удзельнічалі ў віктарыне, рашалі рэбусы і адгадвалі загадкі. 

фота 8.jpg

фота 9.jpg

     

           Галіна ФРАНЦКЕВІЧ,

метадыст аддзела бібліятэчнага маркетынгу ДУК «Астравецкая раённая бібліятэка».


Текст: Администратор сайта
Оставить комментарий
Текст сообщения*
Защита от автоматических сообщений