Чым займаўся ў мінулым годзе райкам прафсаюза работнікаў АПК, расказаў Юрый Адула

10:13 / 29.12.2018
1207

На ахове правоў працаўнікоў вёскі не першы год стаіць райкам прафсаюза работнікаў аграпрамысловага комплексу.

 Якім гэты год выдаўся для прафсаюза аграрнікаў, расказаў яго старшыня Юрый Адула.

– Юрый Аляксандравіч, напярэдадні новага года звычайна падводзяць вынікі папярэдняга. Узгадайце, якія задачы ставілі на 2018-ты: што атрымалася зрабіць і што не выйшла?

– Асноўная задача прафсаюза – адстойванне правоў і інтарэсаў яго членаў. У першую чаргу гэта кантроль за своечасовай выплатай заработнай платы і выкананнем наймальнікам мінімальных гарантый, устаноўленых законам для працаўнікоў.

Рост даверу прафсаюзу з боку работнікаў расце. Напрыклад, з 2015 па 2018 год створана 4 пярвічныя арганізацыі, заключана 12 калектыўных дагавораў. Калі параўнаць вынікі леташняга і сёлетняга маніторынгаў, то сітуацыя па ўнясенні нормаў генеральнага і тарыфнага пагадненняў у калектыўныя дагаворы арганізацый аграпрамысловага комплексу значна палепшылася.

IMG_3462.jpg

Адна з галоўных задач прафсаюза на бліжэйшы час – аператыўнае рэагаванне на факты парушэння правоў і законных інтарэсаў членаў прафсаюза.

– А як з гэтай задачай спраўляліся на працягу 2018 года?

– Дапамогу ў вырашэнні працоўных адносін і сацыяльна-эканамічнага права за бягучы год атрымалі больш за 180 работнікаў. Наймальнік не заўсёды даплачваў да ўзроўню мінімальнай заработнай платы і за работу ў небяспечных умовах, начны і звышурочны час, выхадныя і святочныя дні. Нягледзячы на патрабаванні нашага прафсаюза палепшыць улік рабочага часу, у некаторых гаспадарках па-ранейшаму маюцца парушэнні.

IMG_7650.jpg

– А яшчэ ў якіх накірунках вядзецца работа?

– Вялікую ўвагу наша прафсаюзная арганізацыя надае рабоце з моладдзю, правядзенню спартыўна-масавых мерапрыемстваў, акцый, многія з якіх ужо сталі традыцыйнымі. Так, падчас жніва прама ў полі ўзнагароджваем яго перадавікоў: камбайнераў, іх памочнікаў і вадзіцеляў, якія намалацілі і перавезлі тысячу тон збожжа, аператараў зернесушыльных установак, якія давялі да патрэбнай кандыцыі дзве тысячы тон збожжа, галоўнага агранома, у гаспадарцы якога першай у раёне была намалочана тысяча тон збожжа. Без увагі прафсаюза не застаюцца і корманарыхтоўшчыкі і сейбіты. Для правядзення галіновых спаборніцтваў сярод членаў прафсаюза на жніве, сяўбе і нарыхтоўцы кармоў сёлета было выдзелена 3 500 рублёў.

IMG_5583.jpg

На працягу зімне-стойлавага перыяду штогод праводзім акцыю “Наш жывёлавод”: з падарункамі стараемся завітаць не толькі на буйныя малочна-таварныя комплексы, але і на невялікія фермы.

Акрамя гэтага, наш прафсаюз сумесна з “Астравецкай праўдай” высвятлялі, чым кормяць хлебаробаў на сяўбе, ці ведаюць камбайнеры нюансы аплаты іх працы і іншыя пытанні.

IMG_6292.jpg

У гэтым годзе Ганаровыя граматы і Падзячныя пісьмы райкама прафсаюза работнікаў АПК за дасягненні ў рабоце атрымалі звыш 200 працаўнікоў аграпрамысловага комплекса раёна.

– Дзякуй за гутарку!





Текст: Алена Гануліч
Фото: Алена Гануліч
Оставить комментарий
Текст сообщения*
Защита от автоматических сообщений