Сёлетні год выдаўся ўраджайным на яблыкі
14:01 / 21.10.2018
Сёлетні год выдаўся ўраджайным на яблыкі. Дрэўцы, скрозь аблепленыя чырванабокімі сакавітымі пладамі, так і імкнуцца пазбавіцца цяжару.
Галоўная задача ў гэтыя пагодныя восеньскія дні – як мага хутчэй сабраць саспелыя плады ў КСУП «Варняны», дзе яблыневы сад раскінуўся ажно на 100 гектарах.
– Дапамагчы вяскоўцам сабраць ураджай яблыкаў адгукнуліся ледзьве не ўсе прадпрыемствы і арганізацыі горада і раёна – за што хочацца шчыра падзякаваць людзям, – гаворыць першы намеснік старшыні райвыканкама, начальнік упраўлення сельскай гаспадаркі і харчавання Руслан Мікалаевіч Сачко. – Таварныя яблыкі практычна сабраныя, застаецца сабраць ападкі.