Свята бульбы зладзілі ў Вароне

08:58 / 03.10.2018

Варонскі дом культуры святкаваў своеасаблівыя дажынкі. Прысвяцілі іх другому хлебу беларусаў – бульбе.

У фае гасцей сустракала дзіцячая бульбяная фантазія: вырабы з гародніны, абавязковым элементам кожнага з якіх была «гераіня» свята.

IMG_1338.JPG(1).jpg

IMG_1327.JPG(1).jpg

Культурную праграму для вяскоўцаў ладзілі, як кажуць, усім мірам: радавалі сваёй творчасцю не толькі мясцовыя артысты – прыехалі госці і з іншых Дамоў культуры нашага раёна. Актыўнымі ўдзельнікамі праграмы сталі і самі гледачы: яны адказвалі на пытанні бульбяной віктарыны, спрабавалі сябе ў ролі акцёраў у экспромт-пастаноўцы казкі і выпрабоўвалі шанцаванне ў латарэі.

IMG_1359.JPG(1).jpg

Цікавае свята, неспадзяваныя сюрпрызы, усмешкі і шчырыя апладысменты прыўзнялі варонцам настрой – яны яшчэ доўга не разыходзіліся. А моладзь працягвала весяліцца яшчэ і вечарам – на дыскатэцы.

Іван ПЕТРЫК, фота аўтара.