В Кемелишках праздновали День рыбака (+видео)
Сённяшні дзянёк сонца не абдзяліла цеплынёй – паліла на дварэ яшчэ як. Не менш горача было і на святочнай пляцоўцы аграгарадка Кямелішкі – тут адзначалі Дзень рыбака
Якіх толькі выпрабаванняў для аматараў рыбы ні прыдумалі арганізатары гэтага свята: спаборніцтвы па рыбнай лоўлі, выстава-дэгустацыя рыбных блюдаў, конкурсы на лепшую юшку, рыбнае асарці, падворак, нават конкурс прыгажосці сярод русалак праводзілі.
Для тых, хто да “ціхага” палявання дыхае, як кажуць, роўна, прапанавалі пазмагацца ў спрытнасці і дасціпнасці, завітаўшы на спартыўныя пляцоўкі па валейболе, дартсе і шашках.
Радавалі вока і слых гасцей свята сёння астравецкія і ашмянскія артысты, завітаў у Кямелішкі і вядомыбалалаечнік Аляксандр Варанішча са сваёй камандай.
Прыкупіць чаго смачненькага прапаноўвалі дзяўчаты з Астравецкага райспажыўтаварыства, частавалі ўсіх ахваых найсмачнейшай юшкай і салдацкай кашай павары са Смаргонскай пагранічнай групы. Дзяцей і дарослых заклікалі паспытаць шанцаванне розныя атракцыёны…
Адным словам, свята гэта было не толькі для рыбакой, але і для ўсёй наваколіцы.
Больш падрабязна чытайце ў бліжэйшых нумарах “АП”.
Рыта ДРЭМА.
Фота аўтара і Лізаветы ДРЭМЫ.