Маленькія астраўчане распачалі “InterАКТЫЎНАЕ лета”
Сёння ў кінаканцэртнай зале “Астравец” прайшло раённае свята, прысвечанае Міжнароднаму дню абароны дзяцей пад назвай “InterАКТЫЎНАЕ лета”.
На канцэртна-гульнёвую праграму з песнямі, танцамі, паказам мод, гульнямі, розыгрышам прызоў, майстар-класамі і паказам пажарнай тэхнікі ў першы дзень лета з’ехаліся дзеці з усяго раёна. Асобнае запрашэнне на свята традыцыйна атрымалі пераможцы і прызёры конкурсаў, канферэнцый і фестываляў абласнога, рэспубліканскага і міжнароднага ўзроўняў і настаўнікі, якія іх рыхтавалі. Дзеці і дарослыя, якія праслаўляюць наш край за межамі раёна, атрымалі ў гэты дзень акрамя добрага настрою яшчэ і падарункі за сваю працу.