За што МНС узнагародзіла дырэктара гімназіі?
10:41 / 13.02.2018
У скарбонцы дырэктара гімназіі №1 Алены Чаславаўны Севасцьян шмат узнагарод рознага ўзроўню. Нядаўна да іх дадалася яшчэ адна.
Нагадаем, што ў кастрычніку ў Астраўцы праходзілі вучэнні па рэагаванні на радыяцыйныя аварыі. Асноўнай мэтай іх правядзення была праверка гатоўнасці сістэмы аператыўнага рэагавання.
Апошнім элементам вучэнняў МНС стала дэманстрацыя работы пункта часовага размяшчэння насельніцтва – яго работа была арганізавана на базе гімназіі №1, якую ўзначальвае Алена Чаславаўна Севасцьян.
Бездакорная работа па яго арганізацыі была нядаўна высока адзначана Міністэрствам па надзвычайных сітуацыях. Дырэктару гімназіі ўручылі нагрудны знак “За прапаганду бяспекі жыццядзейнасці”.