Как провели лето ворнянские школьники
Першы дзень спякотнага жніўня сабраў дваццаць хлопчыкаў і дзяўчынак у лагеры з дзённым знаходжаннем “Сонечная планета”, што дзейнічаў у Варнянскім НПК.
Экскурсіі, наведванне планетарыя і бібліятэкі, сустрэча з выратавальнікамі, гульні, конкурсы і спартыўныя спаборніцтвы – кожны дзень быў адметным і цікавым. А якое захапленне атрымалі вучні ад наведвання аграсядзібы “Радзюшы”! Ад гаспадыні яны пачулі цікавы аповед пра жыццё і звычкі коней, змаглі адпачыць на дзіцячай пляцоўцы, палюбавацца незвычайнай прыгажосцю мясцовых краявідаў і, канешне, пакатацца на кані.
Нашы дзеці сустрэліся з выратавальнікамі Янаўскага вадасховішча, якія правялі майстар-клас па аказанні першай дапамогі, прадэманстравалі касцюмы вадалазаў. А самыя цікаўныя хлопчыкі змаглі прымераць ласты, патрымаць у руках пагружны рэмень, падыхаць кіслароднай маскай. А напрыканцы сустрэчы выхавальнікаў чакала купанне пад пільным наглядам выратавальнікаў.
Лагерная змена завяршылася акцыяй “У школу з добрым сэрцам”, дзе кожны выхавальнік атрымаў у падарунак канцылярскія прылады да новага навучальнага года.
Інэса БАГДАНОВІЧ, дырэктар лагера з дзённым знаходжаннем.