Напярэдадні Дня беларускага пісьменства да астравецкіх аўтараў завітаў госць з Украіны
Чарговую сустрэчу астравецкія аматары слова прысвяцілі Дню беларускага пісьменства.
Пасля летняга перапынку ўдзельнікі літаратурнага аб’яднання «Астравецкай зямлі галасы» ізноў сустрэліся ў раённай бібліятэцы. Сустрэча адбылася напярэдадні Дня беларускага пісьменства, і прысвяцілі яе гэтаму святу, а таксама Году малой радзімы – зразумела, што родная мова і радзіма – тэмы, якія цесна злучаны паміж сабой.
Беларускае слова гучала ў гэты дзень ў вершах Людмілы Кухарэвіч і Таісы Сямёнавай і ў прозе аўтара гэтых радкоў.
На сустрэчы таксама чыталі вершы на рускай і ўкраінскай мовах ад Капіталіны Пятроўскай Аляксандра Марозава і госця з горада Пакроўска (Украіна) Віталя Міхайлава, які прэзентаваў у Астраўцы сваю кнігу «Детали».
Аўтары шмат разважалі пра творчасць, пра тое, у які час лепш пішацца, а таксама абмеркавалі ідэю выдання сумеснага зборніка.