“Валадары сяла” жывуць у Гудагаі і Варнянах (+відэа)
Каня запрэглі, дровы пашчапалі, песні праспявалі, станцавалі і падарункі атрымалі – учора ў аграгарадку Падольцы на свяце вёскі прайшоў раённы сельскагаспадарчы конкурс “Валадар сяла 2018”.
Артысты радавалі гледачоў прыгожымі музычнымі нумарамі, вядучыя разыгрывалі латарэю, а аматары спаборніцтваў маглі памерацца сіламі ў валейболе, дартсе, шашках і шахматах.
Самым цікавім відовішчам стаў конкурс “Валадар сяла”. Сем’і Сямяшка, Эксцеровіч, Мароз, Астроўскіх і Дзісько дэманстравалі сваё майстэрства не толькі ў сялянскай рабоце, але і ў выступленнях дружным сямейным падрадам.
Пераможцамі конкурсу сталі дзве сям’і: Эксцеровіч з КСУП “Гудагай” і Астроўскіх з КСУП “Варняны”.
Спецыяльным падарункам для жыхароў Падольцаў стаў канцэрт беларускага спевака Івана Буслая і “цыганскага барона” Аляксандра Пілецкага.
Як праходзіла свята чытайце ў 55-ым нумары “АП”.