"Калядны вечар" возобновил гастроли
Пасля амаль двухгадовага перапынку аднавіў сваю дзейнасць сацыяльны тэатр, які дзейнічае пры раённай арганізацыі «Беларускі саюз жанчын».
На гэты раз тэатр, які стварылі па ўласнай ініцыятыве шэсць нераўнадушных жанчын, з добра вядомым астравецкім гледачам спектаклем па п’есе Ніны Рыбік у пастаноўцы Вольгі Турубаравай «Калядны вечар» запрасілі ў дзіцячы рэспубліканскі аздараўленчы цэнтр «Лясная паляна», што на Смаргоншчыне.
Гэта была васямнаццатая пастаноўка спектакля – нават прафесійныя тэатры не заўсёды могуць пахваліцца такімі доўгажыхарамі сцэны, не кажучы ўжо пра аматарскія. І хоць публіка ў зале была спецыфічная – у асноўным дзеці розных узростаў – усё ж у большасці з іх хапіла розуму і сэрца, каб зразумець і адчуць тыя недзіцячыя праблемы, пра якія ідзе размова ў п’есе.
Тамара РАБІНКІНА.