Хто стаў лепшым класам студзеня?
14:19 / 05.02.2018
Напэўна, толькі вечарам 31 студзеня многія гімназісты, іх настаўнікі і бацькі ўздыхнулі з палёгкай. На гэты раз менавіта 9 “А” клас гімназіі №1 стаў пераможцам чарговага этапу раённага конкурсу “Астравецкай праўды” і аддзела адукацыі, спорту і турызму “Лепшы клас года”.
Можна сказаць, што да жаданай перамогі гімназісты ішлі чатыры месяцы – і той, хто сачыў за галасаваннем, бачыў, што літаральна ў апошні момант гімназістаў адсоўвалі на другое, а то і ніжэйшае месцы, іншыя школы раёна.У студзені з найбольшай колькасцю галасоў – 2 145 – перамаглі дзевяцікласнікі гімназіі №1. На гэты раз яны апярэдзілі сваіх бліжэйшых сапернікаў – школьнікаў з Варнян – на 205 галасоў. З чым мы іх і віншуем.
Нагадваем усім удзельнікам нашага конкурсу: дасылайце фотаздымкі і расповеды аб жыцці вашага класа ў студзені да 10 лютага – і вызначым лепшы клас года разам!
