Лучших доярок СПК "Гудогай" поощрили наградами и подарками
10:11 / 03.06.2016
Гэту ініцыятыву адразу падтрымаў райкам прафсаюза работнікаў АПК сумесна з упраўленнем сельскай гаспадаркі і харчавання Астравецкага райвыканкама. На мінулым тыдні Падзячныя пісьмы і памятныя падарункі атрымалі чатыры аператары машыннага даення МТК “Германішкі”.
Апошнія гады СВК “Гудагай” узначальвае раённы табель малочнай вытворчасці, таму ўзнагароджванне працаўнікоў жывёлагадоўчай галіны распачалося менавіта з гэтай гаспадаркі.
Першы намеснік начальніка ўпраўлення сельскай гаспадаркі і харчавання Вольга Віктараўна Умрыхіна, старшыня райкама прафсаюза работнікаў АПК Ірына Францаўна Каспяровіч і яго бухгалтар Святлана Віктараўна Кацяш са словамі віншавання і падарункамі завіталі на малочна-таварны комплекс “Германішкі”.
– З ранняй вясны і да позняй восені ў цэнтры ўвагі знаходзяцца аграрыі, – сказала Вольга Віктараўна. – Між тым не менш за іх у кожную пару года плённа працуюць работнікі жывёлагадоўлі.
Прымаючы віншаванні, аператар машыннага даення Алена Георгіеўна Ельяшэвіч адзначыла, што праца ёй заўсёды ў радасць. Даярка падзякавала раённаму кіраўніцтву, старшыні СВК “Гудагай” і прафсаюзнай арганізацыі за ўвагу.
Акцыя “Майстры жывёлагадоўлі” працягнецца да канца 2016 года. Штомесяц узнагароды будуць знаходзіць сваіх герояў – лепшых працаўнікоў жывёлагадоўчай галіны.
Адным радком
На МТК “Германішкі” валавы надой з пачатку года склаў больш за 1 700 тон.
Алена ГАНУЛІЧ, фота аўтара.