Очистим островецкие леса вместе
На тэрыторыі Беларусі, у тым ліку Астравеччыны, у гэтую суботу пройдзе штогадовая добраахвотная акцыя “Чысты лес”.
Нягледзячы на павышэнне ўзроўню экалагічнай культуры насельніцтва, смеццевыя звалкі ўсё роўна з незайздросным пастаянствам “вырастаюць” у лясах.
Сем гадоў назад па ініцыятыве Мінлясгаса ў Беларусі стартавала акцыя “Чысты лес”. За гэты час у яе з’явіліся прыхільнікі: школьнікі, працоўныя калектывы, прадстаўнікі ўлады і грамадскіх аб’яднанняў штогод у выхадны дзень разам з прафесійнымі лесаводамі адпраўляюцца ў лес. Мэта адна – ачысціць ад
смецця галоўнае багацце нашай краіны.
Адчуць сябе лясным выратавальнікам можа кожны. Для гэтага трэба звярнуцца ў Астравецкі лясгас або лясніцтва па месцы жыхарства.
Ад вас патрабуецца толькі жаданне, пра ўсё астатняе – інвентар, падвоз, вываз смецця – паклапоціцца ДЛГУ “Астравецкі лясгас”.
Алена ГАНУЛІЧ.